Zorionak, “A&B Laboratorios de Biotecnología”! (Arizmendiarrieta-Anitua Saria I.)
Arizmendiarrieta Kristau Fundazioak eta Diocesanas-Jesús Obrerok “A&B Laboratorios de Biotecnología” arabako enpresari Arizmendiarrieta-Anitua I. Saria eman zioten joan den martxoaren 20an EGIBIDE-Molinuevoko ekitaldi-aretoan. Saria epaimahai independente batek erabaki zuen, eta “A&B Laboratorios de Biotecnología” erakundeko zuzendari nagusi Patricia Gutiérrezek jaso zuen. Saria “gure gurasoei, duela hogei urte baino gehiago eman zuten urratsagatik, eta A & B-n gauden pertsona guztiok osatzen dugun familia handiari” eskaini zien. Saria “enpresa-eredu inklusibo parte-hartzaileak gomendatutako kudeaketa-balio eta -sistemak ezartzeagatik” eman zen, eta, kasu zehatz honetan, bere giza taldeak kudeaketa-prozesuetan parte hartzeko estrategia nabarmendu zen “, gogorarazi zuen Yolanda Berasategui epaimahaiaren bozeramaileak. Saria Arizmendiarreta Fundazioak eta Diocesanas-Jesus Obrero Fudazioak (EGIBIDE) antolatzen dute, Vitoria-Gasteizko Udalaren, Arabako Foru Aldundiaren, Arabako Ganberaren, SEA-Enpresa Arabarren eta Estrategia Empresarialaren laguntzarekin. Saria martxoaren 20an banatuko da Egibide-Molinuevo campusean arratsaldeko 18:00etatik aurrera egingo den ekitaldian.
Ekitaldian, Ramiro Gonzalez Arabako diputatu nagusia, Gorka Urtaran Vitoria-Gasteizko alkatea, epaimahaia osatzen duten pertsonak, ordezkari sozialak eta enpresarialak izango ziren. Mahai-ingurua “Etika enpresan: mehatxua ala aukera?” izenburupean oso interesgarria zen. Bertan izango ziren María Unceta-Barrenechea Olazar, “Laboratorios María D´uol 1992” sortzailea, Tomás Arrieta Heras Lan Harremanen Kontseiluko presidentea eta Cecilia Martinez Arellano, Deustuko Unibertsitateko Etika Aplikatuko Zentroko kidea.
Errekonozimendu hau, alde batetik, Jose Maria Arizmendiarretak Debagoieneko eskualdeko pertsonen alde egin eban kristau pentsamendu humanista nabarmentzen dau eta, bestetik, XX. mendearen erdialdeko Eliza Katolikoaren lan sozial garrantzitsuarekin lotzen gaitu, Araban Elizbarrutiko Eskolen sortzailea dan Pedro Anitua (gaur egun, Jesus Obrerorekin batera, Egibide) agertu zan lekuan. Arizmendiarrietaren elizbarruti bereko apaiza, Vitoriako Seminarioan formakuntza guneak partekatu zituen berarekin, eta handik gure herriko pertsona xumeenen giza sustapenean aktore erabakigarri bihurtu ziren.
Epaimahaia honako hauek osatzen dute:
-
- Jose Antonio Aguado, Enpresa-estrategiako kontseilari delegatua
- Alberto Alberdi, Eusko Jaurlaritzako Ekonomia sailburuorde
- Alvaro Anguisola, San Prudencio Fundazioko presidenteordea
- Luis Ramon Arrieta, Fundación Vital Patronatuko kide ohia
- Javier Balsategui, enpresaria
- Yolanda Berasategui, San Prudencio Fundazioko presidentea
- Mikel Etxebarria, Grupo Vasco Club Roma-ko koordinatzailea
- Laura Fernandez de Carranza, Egibideko gerentea
- Pilar Garcia de Salazar, Ekonomia Garapena saileko Foru Diputatua
- Ramon Ibeas, Caritas Alava idazkari nagusia
- Roberto Larrañaga, Confebask-eko presidente ohia
- Conchi Olano, kooperatiba sortzailea
- Juan Ugarte, SEA Empresas Alavesas zuzendari nagusia
