Araski taldeak entrenamenduei ekingo die EGIBIDE-Nieves Canoko kiroldegian
“Araski” emakumezkoen saskibaloi taldeak haur, kadete eta junior mailako entrenamenduei ekingo die datorren astelehenean, urriaren 5ean. EGIBIDErekin berritu den hitzarmenari esker, entrenamenduak EGIBIDE-Nieves Cano kiroldegiko instalazioetan egiten dira astelehenetik ostiralera bitarteko arratsaldeetan.
Akordioa duela bi urte hasi zen, eta duela gutxi beste denboraldi baterako berritu dute.
Ordainetan, saskibaloian aritu nahi duten gure ikasleek Araskiko taldeetan izena emateko aukera izango dute prezio berezietan. Gainera, partidetarako sarrerak ditugu, aurreko denboraldietan bezala, eta eskola-ekitaldietan (jokalariak ikastetxeko jardueretan egotea) eta eskolaz kanpokoetan (3×3 antolatzea) ere laguntzen dugu. Horrez gain, gure marka taldeen kamisetetan dago, bai eta hainbat lekutan ere (kirol anitzeko kantxan, telebista bidezko emanaldietan, sare sozialetan…), ekitaldietan eta gure ate irekien kanpainen eta izena emateko aldien jarraitzaileen artean.
Astelehen honetan, Nieves Canoko campusak 80 jokalari inguru hartuko ditu berriz ere euren entrenamendua eta prestakuntza Araskirekin garatu ahal izateko, kirola egiteko berariazko segurtasun protokolo guztiak jarraituz.
